دون أن يدلك أحدا على مكان العثور على جثث الأطفال الثلاثة بالمريوطية، بمجرد وصولك أسفل الكوبري.. تجد الهدوء يحيط بين سكان ورواد شارع الثلاثيني، ورائحة الموت تنتشر في المكان، الطريق ترابي والعقارات تتكون من أكثر من 10 طوابق على ترعة المريوطية، أهالي ورواد المنطقة يتحركون في حذر، مشاهد جثث الأطفال الثلاثة التي تم العثور عليها بجوار سور قطعة أرض فضاء، أثناء محاولة الكلاب الضالة نهشها، لا تغيب عن أذهانهم.
قالت نعمة الله، موظفة لـ"الوطن": "أنا كنت خارجة من البيت الساعة حوالي 7 الصبح، بروح الشغل بتاعي في مدينة نصر، وأنا واقفة عند السور علشان أركب عربية، شميت ريحة كريهة ولقيت كلاب واقفة حولين 3 أكياس بلاستيك، وبعدين قربت من الريحة كده لقيت رأس طفل ظاهرة.. بدأت أصرخ وأجمع عدد كبير من أهالي المنطقة، وبعدين لقينا 3 أطفال في حالة انتفاخ وفي اتنين منهم أمعائهم خارجة برة، وبعدين اتصلنا بالشرطة والإسعاف والدنيا اتقلبت بعدها".
تضيف السيدة الأربعينية: "والله إحنا مش عارفين مين عمل فيهم كده، وإحنا بنشوف الأطفال لقينا فيهم شبه كبير من بعض.. كأنهم إخوات". وتنهي حديثها قائلة: "منهم لله اللي عملوا كده.. ربنا ينتقم منهم". سكان المنطقة وروادها أكدوا أنهم فوجئوا أيضا بالواقعة في الساعات الأولي من صباح أمس، ولم يتعرفوا على الأطفال.
كان اللواء عصام سعد مساعد أول وزير الداخلية لأمن الجيزة، تلقى إخطارا من شرطة النجدة، بالعثور على جثث ثلاثة أطفال بدائرة قسم الشرطة الطالبية، وانتقلت القوات إلى مكان الواقعة، تحت إشراف اللواء إبراهيم الديب مدير الإدارة العامة للمباحث، واللواء محمد عبدالتواب مدير المباحث الجنائية، والعقيد محمد راسخ مفتش مباحث الهرم، والعقيد محمد أمين مفتش مباحث الطالبية والعمرانية، والرائد محمد نجيب معاون مباحث العمرانية، وتم تشكيل فريق بحث وتحر لكشف تفاصيل ابعاد الواقعة.
ليست هناك تعليقات:
إرسال تعليق